لكن قصيده عجبتني حبيت تقرونها والعذر والسموحه
كل البشر في الاتصالات يخطون
يخطون واخطي..عذرناهاتف فلان؟؟
ومن عادتي مااهتم باللي يقولون
من غلط في رقمي. لقى الردغلطان
الين جاء في يوم..دق التلفون
شفت الرقم لقيته اشكال والوان
فتحت جوالي ابعرف من يكون
سمعت صوت فيه بحه وفتان
قالت لي:انت سعود؟قلت ايه بالعون
لعيونك اسمي سعود لوكان ضيدان
قالت :اتظني مخطئه.قلت:وشلون؟
قلبي توقف مانبض فيه شريان
بالهون يابنت الاجاويد بالهون
من عاده الانسان يرتاح لانسان
تسمعي يابنت وابليس ملعون
اخذي كلام مصدره صدق وجدان
ماني بقايلك:اناانسان مزيون
اطرق ولاله شبه في الانس والجان
انا محمد..وافي الهرج موزون
اوزن كلامي ..قبل اقوله بميزان
وانا الذي لاحب لايمكن يخون
مخلص مدامه حي.ويموت ماخان
وانا اذا حبيت ..حبيت بجنون
حبي يفجر داخلي الف بركان
واناالذي ماطرد ورا من يقفون
من صدعني عمد بجزيه حقران
هذي وصوفي.واكثرالناس يشرون
وانتي عليك اليوم تقدير الاثمان
قالت:اشوفك قمت يامحمد تمون
تضحك وضحكتها تقاسيم فنان
قلت :الميانه ماهي بضحكه سنون
احيان ماتلقينهابين الاخوان
ترى الميانه شى واضح ومضمون
اذااجتمع شخصين..في قلب ولسان
قالت :كلامك وافي ياابن خلدون
احيان احس ان جلستك بين شيبان
يامحمد.اسمع كلمه البنت ميسون
اسلوبك ووقتك..مضت دونهاازمان
هذازمن قدواته افلام كرتون
وهذازمن ارجاله اجساد وابدان
قالت ..وغنت لي على وقتي لحون
قلت ..اسكتي من بعد ماخاطري شان
اناادري ان الوقت من دون في دون
لكن فمان الله وانسي الذي كان
قلته وانا صامل وهي عندها اذون
لكنه ماصدقت سمع الاذان
ضاقت..وخلق الله دايم يضيقون
وانا قفلت الخط..ضايق وزعلان
ونسيت..والاجواد في الوقت ينسون
ماسمي الانسان الابنسيان
المشكله ..بنات حواء مايسلون
دقت علي وانا لهاشبه شفقان
قبل اتكلم .قالت:اسمع ولاتهون
اسمي ماهوميسون حان الصدق حان
الاسم عمشاء واخر الجد مصيون
مهره ولاطوعت بلجام وعنان
قلت :ارحبي مليون تضرب بمليون
اقولها مليون من قلب ولسان
قلت :ارحبي في العين ولحافك جفون
وظلالك من الشمس باهداب الاعيان
ياعين حر بالمطاليع مفتون
حر شراه مولع الصيد طربان
(ضوء القمر )
موضوع: قصيدة بنت غلظه بالتلففون 
![[ . ماشي مليون. ]](https://2img.net/i/itest/ranks/stars/stars4.gif "[ . ماشي مليون. ]")
![[ . مصرقع بدا يمشي. ]](https://2img.net/i/itest/ranks/stars/stars5.gif "[ . مصرقع بدا يمشي. ]")
