"قصيدة رااااااااااااااائعة للأمير عبدالرحمن بن مساعد"

سلااام
هذه قصيدة رائعة للمبدع الشاعر :عبدالرحمن بن مساعد ،،،
أتركم مع القصيدة:
ــــــــــــــــــــــــــــــــــــــــــــــــــ ــــــــــــــــــــــــــ

بادئ ذي بدء ..هذا تعريف المبادىء ..
كل وقت .. وله أذان ..
الزمان .. غير الزمان ..
ياكلام الليل .. يمحيك النهار ..
باختصار ..
المبادىء .. شىء تحكمه الظروف ..
مثل طفل .. ترتبك في الحروف ..
ما اجمل أغلاطه ..
المبادىء .. للأسف ..
كلمة مطـّاطة ..

بادئ ذي بدء ..
يا بايع إحساسك ..
وش احساسك ..
وأفكارك لغيرك ..
ياشاري إحساسك ..
وش احساسك ..
واحساسك لغيرك ..
ليتك توصف متعتك ..
لاخذت من غيرك مشاعر ..
تدري لو تقدر ترى ..
ماهو بعيد تصير شاعر ..
كيف الخلاص .. من ناس تغتال الشعر ..
و حد القصاص في كل سرقة ..البتر
الا الفكر ..

بادئ ذي بدء .. هذا تعريف المبادىء ..
يا بايع أموالك .. لفقرك ..
وللعذاب اللي في بيتك .. ودمعة عيالك ..
ليت توصف متعتك ..
ليت أوصف ضيقتك ..
لو جرى لك ..
في القمار .. اللي جرالك ..
ليت نعرف ..
متعتك أو ضيقتك ..
أيهم اللي بقالك ؟

يا بايع أعصابك .. لخمرك ..
ياكثر ماحرت بـ امرك ..
يابايع الصحة .. لخمرك ..أو سمومك ..
وش يفيد أني ألومك ..
كيف تلقى متعتك .. لا ضاع عقلك !
وبان بين الناس ذلك
وكيف تسعد في شعورك ..
وانت خارج عن شعورك ..
يا بايع اعصابك و وعيك ..
ياللي تهرب في عذابك ..
من عذابك ..
لو بغيت في يوم ..
تهرب من هروبك ..
وش هو احساسك ؟

بادئ ذي بدء .. هذا تعريف المبادىء ..
يابايع بلادك .. بكم كان الثمن ؟!
يا بايع بلادك ..
انسى المباني .. والبيوت .. والحب الأول
انسى غبار المدرسة .. و وجوه اصحابك ..
انسى فؤادك .. وميلادك ..
وارمي ورا ظهرك ..
كل العبارات الكبيرة ..
عن الوفا .. والتضحية ..
وعن حب الوطن ..
يا بايع بلادك ..
لو كبروا أولادك ..
وكان السؤال في عيونهم ..
سجنك وجلادك .. !
" احنا يابوي من وين ؟! "
وش هو احساسك ؟!

يابايع آخرتك .. يالعاصي القاسي ..
اسمع نصايح صاحبك " ابليس " :

" لا تترك التدليس ..
اظلم ولا تفكر في باكر ..
هيم في العصيان جاهر ..
واختار من بين الذنوب ..
مايسعدك ..
ولاسار عمرك للغروب ..
لاتتوب ..
لا تحسب للعمر ..
ولا تفكر بالقبر ..
ولا العذاب ..
توك شباب .. "
هذي نصايح صاحيك ابليس ..
يابايع آخرتك بدنياك ..
لا عدمناك ..
لو عدمناك ..
وش هو إحساسك ؟
ــــــــــــــــــــــــــــــــــــــــــــــــــ

اقتباس :: تدري لو تقدر ترى ..
ماهو بعيد تصير شاعر

الحمدلله يعني فيه امل هع

والله ابداع قلتيها مبدع الامير عبدالرحمن بن مساعد

اكثر قصيده له عجبتني امير بس فقير تجنن

مشكورره يااوم شوشه

القصيدة حلوه
ويكفي انها من شاعر معروف

بس كنت اتمنى القصيدة لك

ماعليه افتحي فمك يرزقك الله احسن منها
رغم اني مستبعدها
وشكرا لك
ياشكشوكهههه أسف ام شوشه

ام شوشة

يسلموا ع النقل..

هلا سمسووومه
نوَرتي يالغلا :)

قصيده بصراحة اكثر من رائعة

مشكورهـ شوشه